Baandh Lain Haath Pe Seenay pe Sajaa Lain TUM ko

Baandh Lain Haath Pe Seenay pe Sajaa Lain TUM ko

Jee Mein Aata hai k Taveez Bana Lain TUM ko

Phir Tumhain Roz Sanwaarayn Tumhayn Barhta Daykhain

Kiyun Na Aangan Mein Chanbaili Sa Laga Lain TUM ko

Jaise Baalon Mein Koi Phool Chuna Karta hai

Ghar K Guldaan Mein Phool Sa Saja Lain TUM ko

Kiya Ajab Khuwahish Uthti Hein Humare Dil Mein

Kar K Munna Sa Hawaon Mein Uchaalayn TUM ko

Iss Qadar Toot K Tum Par Hamain Piyaar Aata Hai

Apni Banhon Mein Bharein Maar hi Daalein Tum Ko

Kabhi Khwabon Ki Tarha Aankh K Parday Mein Raho

Kabhie Khuwahish Ki Tarha Dil Mein Bula Lein TUM ko

Hai Tumharay Liye Kuch Aysi Aqeedat Dil Mein

Apne Haathon Mein Dua Sa Utha Lein TUM ko

Jaan Denay Ki Ijazat Bhi Nahi Detay Ho

Warna Mar Jayen Abhie Mar K Manaa Lein TUM ko

Jis Tarha Raat K Seenay Mein Hai Mahtaab ka Noor

Apne Tareek Makaanon Mein Sajaa Lein TUM ko

Ab To Bas Aik hi Khowahish hai Kisi Morr Par TUM

Hum Ko Bikhray Huwaye Mil Jao Sanbhalain TUM ko