Dil Chahta hai Badal ayain

Dil Chahta hai Badal ayain
Ghor andhaira cha jaye
Badal cham cham toot ke
barsain
Sara sheher naha jaye
Main bhi us baarish main
bheegoon
Sab kuch bhool ke nachoon
gaoon
Khulay aasman ke neechay
Darakht main jhoola dal ke
jhooloon
Baarish barasti jaye
Aur main itna bheegoon ke
Saray dukh aur gham aur yadain
Sab us main beh jayain
Har pachtawa aur har sapna
Har khwahish beh jaye
Aay mere Malik!
Kabhi to aisa sawan aye