Ye kiya k sab se bayaan dil ki haalaten karani

Ye kiya k sab se bayaan dil ki haalaten karani

`Faraz` tujh ko na aain Muhabbaten karani

Ye qurb kya hai k tu saamane hai aur hamen

Shumaar abhi se judaai ki sa`aten karani

Koi khudaa ho k patthar jise bhi hum chaahen

Tamaam umr usi ki ibaadaten karani

Sab apane apanee qarine se muntazir us k

Kisi ko shukr kisi ko shikaayaten karani

Hum apne dil se hain majabuur aur logon ko

Zaraa si baat pe barpaa qayaamaten karani

Milen jab un se to mubaham si guftaguu karana

Phir apane aap se so-so vazaahaten karani

Ye log kaise magar dushmani nibhaaten hain

Hamin to raas na aain muhabbaten karani

Kabhi `faraz` naye mausamon men ro denaa

Kabhi talaash puraani raqaabaten karani.

Post a Comment

0 Comments