Aankhon Kaa Rang, Baat Kaa Lahja Badal Gaya.

Aankhon Kaa Rang, Baat Kaa Lahja Badal Gaya.

Wo Shakhs Ek Shaam Men Kitna Badal Gaya.

Kuch Din To Mera Aks Raha Aaine Pe Naqsh.

Phir Yun Hu'aa K Khud Mera Chehra Badal Gaya.

Jab Apne Apne Haal Pe Ham Tum Na Rah Sake.

To Kyaa Hu'aa Jo Hamse Zamaana Badal Gaya.

Qadmon Tale Jo Reat Bichi Thi Vo Chal Pari.

Us Ne Churaya Haath To Sehraa Badal Gaya.

Koi Bhi Chiz Apni Jagah Par Nahin Rahi..

Jaate Hi Ek Shakhs K Kyaa Kyaa Badal Gaya.

Ek Sar-Khushi Ki Mauj Ne Kaisa Kiya Kamaal.

Wo Be-Niyaaz, Saare Ka Sara Badal Gaya.