Khoob Kartay Ho Dil Lagi Sahaab.

Khoob Kartay Ho Dil Lagi Sahaab.

Aur Os Per Ye Be Rukhi Sahaab.

Pyaar Aur Wo Bhe Ham Karain Tum Se.

Hum Ko Pyaari Hai Zindagi Sahaab.

Ab Wo Saanson Ka Silsila Bhi Nahi.

Le Lo Jo Hain Bachi Kuchi Sahaab.

Tum Jataatay Ho Pyaar…..Vyaar Magar.

Hum Ko Lagtay Ho Ajnabi Sahaab.

Is Mein Kuch Aap Ka Bhi Hissa Hai.

Ye Jo Palkon Pe Hai Nami Sahaab.

Ye Andheron Ka Ik Tamaasha Hai.

Aap Kehtay Ho Roshni Sahaab.

Ab Wo Qisson Mein Mil Sakain Shaayad.

Pehlay Hotay Thay Aadmi Sahaab.

Aaj Kal Ho Kis K Chakkar Mein.

Baat Loogon Se Ye Suni Sahaab.

Aap Hain Bawafa, To Yun Hi Sahi.

Aap Ki Baat Maan Li Sahaab.

Tum Ko Bhoolay To Ye Laga Hum Ko.

Dard Mein Kuch Howi Kami Sahaab.

Dushmani Ne Thakaa Dia Hum Ko.

Hum Se Karlo Ab Dosti Sahaab.

Baat Kia Hai Jo Khaaye Jaati Hai.

Tum Ne Poochi Na Kuch Kahi Sahaab.