Yahan Khamosh Nazron Ka Nazara Kon Banta Hai,

Yahan Khamosh Nazron Ka Nazara Kon Banta Hai,
Buhat Gehray Sumandar Ka Kinara Kon Banta Hai.

Chalo Hum Dekhtay Hain Ab Khud-Ko Barbaad Kar Kay Bhi,
Kay In Barbadiyon Main Bhi Humara Kon Banta Hai,

Binaa Phal Kay Darakhton Ko Yahan Pe Kaata Jaata Hai,
Kisi Bhi Be-Saharay Ka Sahara Kon Banta Hai.

Koi Sheesha Agar Tootay To Wapis Jurr Nahi Sakta,
Muhabbat Main Fanaa Ho-Kar Dobara Kon Banta Hai.

Chalo Phir Aazma Lo Tum Sub-Hi Apnay Piyaron Ko..!

Tumharay Dard Main Dykho Tumhara Kon Banta Hai.