Mohabbat k samandar me, Utarney se zara pehley,

Mohabbat k samandar mein, Utarney se zara pehley,
Tumhein yeh sochna hoga,

Mohabbat aik sehraa hai,
Jahaan paaon barhaaney se, Qadam chup chaap jaltey hain,

Mohabbat aesi dunya hai, K is main jis taraf jayen,
Koi rasta nahin milta,

Mohabbat aankh ka aansu,
Yeh palkon per chamakti hai,

Mohabbat aag jesi hai,
Yeh seeno'n mein sulagti hai,

Mohabbat phool jesi hai,
Judaa ho shaakh se jab yeh,
Bikharti toot jati hai,..

Mohabbat ki fizaaon me,
Mohabbat ki hawaaon me, Hamesha dard milta hai,

Mohabbat k samandar me, Utarney se zara pehley,
Tumhein yeh sochna hoga,

Post a Comment

0 Comments