Tum Mere Dard Bhi Ghum Bhi Alaam Bhi Tum_

Tum Mere Dard Bhi Ghum Bhi Alaam Bhi Tum_


Tum Mera Chain Ho Jaana Mera Araam Bhi Tum_


Kamiyabi Ko Nahi Hum Ne Tumeh Chaha Hai_


Hum Tumhare Hain Bhale Ho Gaye Na'kaam Bhi Tum_


Mai Maseeha Hun Magr Mera Wazifa Tum Ho_


Mai Hun Mujrim Meri Jaan Mera Elzam Bhi Tum_


Kia Zarurat Hai Mujhe Dard K Meykhano'n Ki_


Tumhi Nasha Tumhi Pemana Mera Jaam Bhi Tum_


Mukhtalif Se Bahano'n Se Mujhe Sochte Ho_


Aik Din Khul K Pukaro Ge Mera Name Bhi Tum_


Yeh Siyasat Bhi Ajab Khail Hai Bhoole Panchi_


Yahan Saiyaad Bhi Tum Ho To Teh'daam Bhi Tum_


Jis Se Roshan Mera Aangan Hai Tumhi Ho Woh Charagh_


Sach To Yeh Hai K Tumhi Ghar Ho Dar_o_Baam Bhi Tum_


Rat Din Tum Ko Faqat Tum Ko Mujhe Sochna Hai_


Meri Fursat Bhi Tumhi Aur Mera Har Kam Bhi Tum_