Khuwab Palkon Ko Chou Gaya Ho Ga

Khuwab Palkon Ko Chou Gaya Ho Ga
Aks Aankhon Mein Jaagta Ho Ga

Raasta Jab Badal Liya Tum Ney
Dil Ne Kuch Tou Tumhe Kaha Ho Ga

Rait Ke Sar-phirey Bagolon Mein
Koi JaLta Huwa Diya Ho Ga

Ho Ga Ashjar Ko Hawa Se giLLa
Aik Patta Bhi Jab Girra Ho Ga

Do Jazeere Hain Khushk Banjar Se
Kaun Aankhon Mein Doubta Ho Ga

Oske Izhaar Par DiL Muztar
Aik Pal Ko Thehr Gaya Ho Ga

Hai Ajab Reet Iss Zamaney Ki,
Jo Dabo Dey Woh Na'khuda Ho Ga

Jo Har Ik Baat Par Qasam Khaye
Yaad Rakho, Woh Bewafa Ho Ga..!

Post a Comment

0 Comments