Usay Ye Kehna
Mujhe Na Soche
Mai Dil Garifta, Adhora Shaair
Mai Uljhi Sochon,
Bikharti Nazron,
Bhatakti Rahon Ka Ik Musafir
Khayal Tirchhey,
Sawal Aarhey,
Qadam Mere Larkhara Chuke Hain
Sawal Aise
Azal Se Jin Per
Zameer-e-Adam Ne
Kuch Na Socha
Jawab Aise K Gar Kabhi
Khud Ko Bhi
Bataon
To Kanp Jaon
Guzarte Lamhon Ki
Gard Chehrey
Pe The-Ba-Teh Jamti Ja Rahi Hai
Mai Apna Khanjar
Khud Apni Sheh-Rug Pe
Aazma Chuka Hoon
Mai Khud Bhi Khud Ko
Bhula Chuka Hoon
Mai Apne Dam-e-Khayal Se
Agar Bacha To Tumhain Milon Ga......
