Bhala Kiya Parh Liya Apne Hathoon Ki Lakeeron Main,

Bhala Kiya Parh Liya Apne Hathoon Ki Lakeeron Main,

K Uss Ki Bakhshish K Itne Charchay Hain Faqeeron Main,



Koi Sooraj Se Seekhay, Adal Kiya Hai, Haq Rasi Kiya Hai,

K Yaksaan Dhoop Batti Hai, Sagheeron Main, Kabeeron Main,



Abhi Ghairoon K Dukh Pe Bheegna Bhooli Nahi Aankhein,

Abhi Kuch Roshni Baaqi Hai Logoon K Zameeron Main,



Na Wo Hota, Na Main Aik Shakhs Ko Dil Se Laga Rakhta,

Main Dushman Ko Bhi Ginta Hoon, Muhabbat K Safeeron Main,



Sabeelein Jis Ne Apne Khoon Ki Har So Lagae Hoon,

Main Sirf Aise Ghani Ka Naam Likhta Hoon Ameeron Main,



Badan Azaad Hai, Andar Mere Zanjeer Bajti Hai,

K Main Mukhtaar Ho Kar Bhi Gina Jaaon Aseeron Main,