Deewar Par Larza Hai To Dar Kaanp Raha Hai,

Deewar Par Larza Hai To Dar Kaanp Raha Hai,

Bicharry Ho To Ujrra Ghar Kaanp Raha Hai.



Tum Aankh Ki Putli Me Chupy Sach Ko Bhi Dekho.

Mujrim To Nahi Hai Agar Wo Kaanp Raha Hai.



Veeran Hai Is Darja Tere Baad Mera Dil.

Is Shehar Me Aty Huwe Darr Kaanp Raha Hai.



Ik Main K Judai Ne Mujhy Kar Diya Sakat,

Ik Tu Hai K Sadmay Se Udhar Kaanp Raha Hai.



Aangan Ko Palat Jaaon Na Main Chorh K Us Ko.

Sehra Me Mera Khuwaab_e_Safar Kaanp Raha Hai.



Ya To Meri Banayi Par Khauf Musalat Hai.

Ya Nehar K Paani Me Shajar Kaanp Raha Hai.



Bujhne Nahi Don Ga Me Kabhi Hijar K Sadmy.

Dil Me Teri Yadoon Ka Sharar Kaanp Raha Hai.