Dil-o-Nazar Ki Ibadatein Hoon To Aansoun Ko Imaam Karna,

Dil-o-Nazar Ki Ibadatein Hoon To Aansoun Ko Imaam Karna,

Samandaron K Safar Pay Lazim Hai Paniyon Se Kalaam Karna,



Jo Sajda Gaahein Talaash Karne Lagay To Umrein Guzaar Do Gay,

Khud Apne Saaey Ki Saf Bichana Waheen Sajood-o-Qayaam Karna,



Main Kaarwan Se Bichar Kar Andhi Musafaton K Azaab Main Hon,

Mera Bhi Ay Saarban-e-Shams-o-Qamar Koi Intazaam Karna,



Jahan Dil Mein Jo Roshni Hai Wo Tera Hissa, Wo Tera Qissa,

Jo Zulmatein Hain, Malamatein Hain Wo Sab K Sab Mere Naam Karna,



Ye Taza Lafzoo'n K Saarey Guldastay Sooki Jaayen Gay Jab Wo Aaye,

Tum Un Ki Aamad Pay Ehtiyatan Kuch Aur Bhi Intazaam Karna,