Ek Pal Ko Na Raat So Saka Main,

Ek Pal Ko Na Raat So Saka Main,

Uss Khuwaab Ki Aas Mein Raha Main,



Jab Dheyaan Mein Aa Gaya Woh Chehra,

Sonay Ki Ba-Jaaye Ro Parra Main,



Buss Aik Hi Yaad Mein Garifta,

Dil Thaam Kar Apna Reh Gaya Main,



Buss Aik Hi Ranj Se Shikasta.

Kiyon Uss Se Bhala Juda Huwa Main.



Buss Aik Khayaal Dil Pay Taari.

Wo Jaagti, Saath Jaagta Main.



Hota Woh Agar Qareeb Meray,

Phir Choo K Bhi Uss Ko Dekhta Main,



Khush Baash Rahe Sada Jiey Woh,

Par Us Se Bicharr K Mar Gaya Main,



Zaahir Main To Saans Le Raha Tha,

Zinda Tha Baghair-E-Zindagi Main.



Chaandi Say Badan Pe Tha Andhera,

Uss Chaand Se Kitna Door Tha Main.