Faaslay Itney Barhey Hijar Main Aazaar K Saath,

Faaslay Itney Barhey Hijar Main Aazaar K Saath,

Ab To Wo Baat Bhi Karte Nahi Gham-Khuwaar K Saath,



Ab To Hum Ghar Se Nikalte Hain To Rakh Dete Hain,

Taaq Pe Izzat-e-Sadaat Bhi Dastaar K Saath,



Ik To Tum Khuwaab Liye Phirte Ho Galiyoo'n Galiyoo'n,

Us Pe Takraar Bhi Kartey Ho Kharidaar K Saath,



Hum Ko Us Shehar Main Jeenay Ka Soda Hai Jahaan,

Log Mai'maar Ko Chun Dete Hain Diwaar K Saath,



Khauf Itna Hai Tere Shehar Ki Galyoo'n Main "FaRaZ",

Chaap Sunte Hain To Lag Jaate Hain Diwaar K Saath,