Kaaghaz Ki Kashtiyaan Thin Bahaao Bhi Khoob Tha.

Kaaghaz Ki Kashtiyaan
Thin Bahaao Bhi Khoob
Tha.

Mausam Ka Paaniyon Se
Lagaao Bhi Khoob Tha.

Manzar Tere Khayaal K
Sab Toot'te Rahay.

Sochoo'n Ka Waswasoo'n
Se Bachaao Bhi Khoob
Tha.

Zarrey Chamak Rahe They
Falak Se Zameen Tak.

Sehra Mein Chaandni Ka
Paraao Bhi Khoob Tha.

Bilkul Badal Gaye They
Taqaazey Bhi Adal K.

Munsif ka Aik Simt Jhukaao
Bhi Khoob Tha.

Chaahat K Lafaz Saare
Baghaawat Mein Dhal
Gaye.

Jalti Huwi Anna Ka Allaao
Bhi Khoob Tha.

Aansu Bhi Ker Sake Na
Haqeeqat Ko Be-Naqaab.

Teri Taraf Se Aakhri Ghaao
Bhi Khoob Tha.