Muhabbat Me Ghalat Fehmi Agar Ilzaam Tak Pohnchay,

Muhabbat Me Ghalat Fehmi Agar Ilzaam Tak Pohnchay,

Kisay Maloom Kis Ka Naam, Kis K Naam Tak Pohnchay,



Teri Aankhon K Thukraye Huwe Wo Log Thay Shayad,

Jo Ik Sharmindagi Honton Pe Le Kr Jaan Tak Pohnchay,



Sabhi Raston Pe Thay Shola Fishaan Halaat K Sooraj,

Bahut Mushkil Se Hum Un Gaisoun Ki Shaam Tak Pohnchay,



Kisi Ne Bhi Na Apni Dharkano Me Di Jagah Jin Ko,

Wo Sare Walwalay Mere Dil-e-Nakaam Tak Pohnchay,



Saja K Aye Jab Sonay Ka Chashma Apni Aankhon Par,

Nazar Hum Muflison Ki Tab Kahan Us Baam Tak Pohnchay,



QATEEL Aaeina Ban Jao Zamane Main Muhabbat Ka,

Agar Tum Chahtay Ho Shaire Ilhaam Tak Pohnchay,

Post a Comment

0 Comments