Shaamil Tha Ye Sitam Bhi Kisi Nisaab Mein

Shaamil Tha Ye Sitam Bhi Kisi Nisaab Mein

Titli Mili Hunoot Puraani Kitaab Mein



Dekhoo'n Ga Kis Tarah Se Kisi Ko Azaab Mein

Sub K Gunaah Daal De Meray Hisaab Mein



Phir Be-Wafa Ko Behr-e-Muhabbat Samajh Liya

Phir Dil Ki Naao Doob Gaee Hai Saraab Mein



Pehle Gulaab Us Mein Dikhai Diya Mujhe

Ab Wo Mujhe Dikhai Diya Hai Gulaab Mein



Wo Rang-e-Aatasheen, Wo Dehakta Huwa Shabaab

Chehre Ne Jaisay Aag Laga Di Naqaab Mein



Baarish Ne Apne Aks Kaheen Dekhna Na Ho

Kiyon Aaeinay Ubharne Lage Hain Habaab Mein



Gardish Ki Taiziyon Ne Ussay Noor Kar Diya

Matti Chamak Rahi Hai Yehi Aftaab Mein



Us Sangdil Ko Mein Ne Pukaara To Tha ADeeM

Apni Sada Hi Lout Kar Aaiee Jawaab Mein