Behtay Huway Dariya Ki Rawaani Ko Samajhta,

Behtay Huway Dariya Ki
Rawaani Ko Samajhta,
Lagti Jo Tujhe Piyaas To
Paani Ko Samajhta.

Karna Tha Tujhe Ishq To
Phir Ishq Se Pehlay,
Behtar Tha Muhabbat K
Ma'aani Ko Samajhta.

Hijrat Ka Sabaq Mujh Ko
Wohi Dene Laga Hai,
Jo Shakhs Nahi Naqal-
Makaani Ko Samajhta.

Rehta Na Kabhi Bhi Wo
Mery Khuwaab Se Bahir,
Ek Baar Jo Jazbaat-e-
Jawaani Ko Samajhta.


Gambhir-e-Masaail Mein
Shab-o-Roz K,
Fursat Thi Kisay? Raat Ki
Raani Ko Samajhta.