Hum Jo Tootay To Is Tarah Tootay!

Hum Jo Tootay To Is Tarah Tootay!



Jaisay Haathon Say Gir Kay Pathar Per

Koi Shafaaf Aaina Tootay,



Jaisay Palkon Say Toot'ta Aansu

Jaisay Seenay Mein Ek Kamaan Tootay,



Jaisay Umeed Ki Koi Tehni

Barg-e-Mosam Mein Na Gihaan Tootay,



Jaisay Aankhon Mein Khuwab Ki Dorri

Waqt-e-Takmeel Say Ulajh Jaaey,



Jaisay Pairon Talay Zameen Niklay

Jaisay Sar Pay Ye Aasmaan Tootay,



Jaisay Ek Shaakh Pay Bharosa Kia

Us Pay Jitnay Thay Aashiyaan Tootay,



Jaisay Wehshat Say Hosh Aa Jaaey

Jaisay Taa'dair Mein Dehan Tootay,



Ab Jo Raiza Huway To Sochtay Hain

Kis Nay Dekha Tha Tootna Apna,



Hum Jo Tootay To Raaigan Tootay.