Iss Se Pehlay K Mohabbat Bhi Khasaara Ho Jaaye.

Iss Se Pehlay K Mohabbat Bhi Khasaara Ho Jaaye.

Aao Mil Baithain K Ye Waqat Humaara Ho Jaaye.



Aik Do Din Mein Bhulaa Do To Yehi Behtar Hai,

Kaheen Aisa Na Ho Jaan Se Piyaara Ho Jaaye.



Ishq Hai Koi Baazi Nahi Khaili Hum Ne.

Khail Lagta Hai Tu Aao Dobaara Ho Jaaye.



Hum Ne Kal Raat Khuda Se Ye Duaayen Ki Hain,

K Tum Jis Shakhs Ko Chaaho Wo Tumhaara Ho Jaaye.



Wo Mohabbat K Samandar Mein Bhanwar Ban K Mila,

Meri Khuwaahish Hai Kaheen Door Kinaara Ho Jaaye.