Jo Koi Khawb Jala Ap Mujhko Yaad Aaye,

Jo Koi Khawb Jala Ap Mujhko Yaad Aaye,

Dhuaan Sa Dil Mein Utha Ap Mujhko Yaad Aaye,



Sab Aayinon Mein Nazar Aai Ap Ki Soorat,

Kisi Ko Yaad Kiya Ap Mujhko Yaad Aaye,



Qaraar-e-Jaan K Liye Main Kahan Kahan Na Gaya?

Jo Koi Dar Na Khula Ap Mujhko Yaad Aaye,



Mere Baddan Mein Koi Aag Si Sulagti Hai,

Chali Jo Sard Hawaa Ap Mujhko Yaad Aaye,



Kisi Zamany Mein Rotey Thy Ap Mere Liye,

K Jab Bhi Chhaai Ghattaa Ap Mujhko Yaad Aaye,



Mila To Toot K Wo Rota Raha Rota Raha,

Par Us Ne Kab Ye Kaha?

Ap Mujhko Yaad Aaye?



Kisi Ne Dil Ki Kalli Aaj Phir Masal Daali,

Zraa Sa Zakhm Mila Ap Mujhko Yaad Aaye,



Gumaan-o-Wehm Ki Dunya Ajeeb Hai

Suni Koi Bhi Sada Ap Mujhko Yaad Aaye...!!