Pathar Ba-Dast Hum Ko Yahaan Har Bashar Mila,

Pathar Ba-Dast Hum Ko Yahaan Har Bashar Mila,

Khud Ko Mita Diya To Kahein Ja K Ghar Mila,



Auron Ki Zaat Sy Usy Nisbat Hai Is Qadar,

Wo Raazdar Hum Sy Sada Be-Khabar Mila,



Sehra Ka Abar Liye Barsoo'n Kiya Tawaf,

Aankhein Wuzoo Hi Kar Saky Bas Is Qadar Mila,



Kuch To Samandaron Mein Utrna Muhaal Tha,

Aur Rasty Ki Dhool Mein Kis Ko Gohar Mila,



Manzil Mili Na Raat Ki Chadar Simat Saki,

Bujhta Huwa Sa Deep Hamein Dhoond Kar Mila,



Aur Aakhir Wo So Gaya Palko'n Ko Mound Kar,

Ik Bheegta Sa Khawab Hamein Khaak Par Mila,



Dil Ka Sukoon Hum Ny Ganwa To Diya Batool,

Ik Laa-Zawal Kurub-E-Muslsal Magar Mila,