Dab-Dabaa Aai Voh Aankhen Jo Mera Naam Aaya,

Dab-Dabaa Aai Voh Aankhen Jo Mera Naam Aaya,

Ishq Naakaam Sahi Phir Bhi Boht Kaam Aaya,



Lazzat-e-MarG-e-Mohabbat Koi Us Se Poochhe,

Jis Ke Lab Par Dam-e-Aakhir Bhi Tera Naam Aaya,



Zindagi Tere Tasawur Se Alag Rah Na Saki,

NaGmaa Koi Ho Magar Saaz Yahi Kaam Aaya,



Ham Pe Aisi Bhi Gam-e-Ishq Men Raaten Guzriin,

Jab Tak Aansuu Na Bahe, Dil Ko Na Aaraam Aaya...!!