Dil hamaara bohat dukha huwa hy
Or namak posh raasta huwa hy
Khud ko hairat sy daikhty haiN ham
Kya btaayeN keh ham ko kya huwa hy
Saamny barflaaKh manzil ky
Pair maiN aabla paRaa huwa hy
Na koi taara hy na chaand kahiN
Phir amaawas ka saamna huwa hy
Ik dhamaaky ky baad sannaaTa
Hashr shaayed yahiN bapaa huwa hy
Habs ky dor ki ghulaami maiN
Aik Naqsh-e-hawa Daraa huwa hy
Kya kahaiN kis sy haary haiN Aashi
Kis liye aaj sar jhuka huwa hy
0 Comments