Na Koi Khuwaab Na Saheli Thi
Ess Mohabbat Mein, Mein Akeli Thi
Ishq Mein Tum Kahaan K Sachay Thay
Jo Azziyat Thi Hum Ne Jhaili Thi
Yaad Ab Kuch Nahi Raha Lekin
Aik Dariya Tha Ya Haweli Thi
Jis Ne Uljha K Rakh Diya Dil Ko
Wo Mohabbat Thi Ya Paheli Thi
Mein Zara Si Bhi Kam Wafa Karti
Tum Ne Tou Meri Jaan Le Li Thi
Waqt K Saanp Kha Gaey Us Ko
Mere Aangan Mein Ik Chanbeli Thi
Is Shab-e-Gham Mein Kis Ko Batlaon
Kitni Roshan Meri Hatheli Thi...
0 Comments