Waqt ki tamaazat bhi dil jalaa nahiN sakti
Kaisi hi aziyyat ho ab rulaa nahiN sakti
Jin ko kal sulaaya tha mar gye haiN wo jazby
Aaj murda jazboN ko maiN jgaa nahi sakti
Rasm-o-raah-e-dunya ko kis liye nihaaooN maiN
Bojh ab takaluf ka maiN uThaa nahi sakti
Daikhny ko baithy haiN hr taraf tamaashaai
Zakhm rooh or dil ky maiN dikha nahiN sakti
Ho rahi hy gham paashi aaj dam ba dam Aashi
Kal jo thi karam paashi wo bhula nahiN sakti
0 Comments