Yaad aata tha qareenay se kabhi

Koi deewar giri hai mujh mein
Zindagi goonj uthi hai mujh mein

Teray saahil k qaree'n laati huwi
Mauj-e-yak taiz huwi hai mujh mein

TU ne boseeda samajh kar phainki
Ab wo poshaak nayi hai mujh mein

Us ki be'taab nigaahi ab bhi
Jaane kya dhoond rahi hai mujh mein

Phir hai lehjay mein ajab saffaki
Phir hawaa sard huwi hai mujh mein

Thapkiyaan day k sulaaya hai ussay
Aankh kuch dair lagi hai mujh mein

Yaad aata tha qareenay se kabhi
ab to aftaad parri hai mujh mein

Teri aankhon ki chamak maand na ho
Dekh weeraan gali hai mujh mein
--------------------------------------------
tumhari yaad shayari
yaad shayari 2 lines
yaad shayari in hindi 140
yaad shayari urdu
yaad shayari collection
yaad shayari in punjabi
teri yaad shayari in hindi
dost ki yaad shayari

Post a Comment

0 Comments