Labels

Friday, 27 January 2017

Har dard pehen lena, har khawb main kho jana

Har dard pehen lena, har khawb main kho jana,
Kya apni tabiyat hai, har shakhss ka ho jana,

Ik sheher basaa lena bichrre huye logon ka,
Phir shab ke jazeere main dil tham ke so jana,

Mozuu sukhan kuch ho, ta-dair usay takna,
Har lafz pe ruk jana, har baat pe kho jana,

Aayn to bikhar jana saanson ki mehak ban kar,
Jana to kaleje mai kaante se chubho jana,

Jatay huye chup rehna un bolti aankhon ka,
Khamosh takalum se palkon ko bhigo jana,

Lafzon main utar aana un phool se honton ka,
Ik lamss ki khushbuu ka poron main samaa jana,

Har shaam azaayem ke kuch mehal bana lena,
Har subah iraadon ki dehleez pe so jana

No comments:

Post a Comment