Chahat ka har sood khasara likhta main
kya paya kya khoya saara likhta main
tujh jesa jab aor nahi hai koi to
kyun phir aor kisi ko pyara likhta main
kese apne dard bhula kar loat Aaya
tu ne jese muje pukara likhta main
main ne dukh nazmon mein likhna chorr diye
us ko tha per yehi gawara likhta main
pehle keh detay gar khel samjhtay thay
jaa tu jeeta jaa main haara likhta main
likhta rehta subh o shaam teri baten
jee na bharta phir dobara likhta main
dukh bhi aakhir apne hi to hotay hain
kash k khud ko sirf tumhara likhta main
0 Comments