Saturday, 12 August 2017

aarzu ka koi pindaar badal kar aye

aarzu ka koi pindaar badal kar aye
meri khatir koi ik baar badal kar aye

sheher walon ko tamasha hai to phir younhi sahi
kon hasrat sar e bazaar badal kar aye

wo bhi to nit naye kirdaar k garveeda thay
is liye hum kayi kirdaar badal kar aye

main yeh sab kuch usay ik baar main kese sonpon
us se keh do k kayi baar badal kar aye

hum to ankhon se hi pehchan liya kartay hain
aap chehra yuhi bekaar badal kar aye

kab talak youn hi unhain roz pukaron yaro
ab to unka koi inkaar badal kar aye

mere kapron se hai uljhan to suno hum ja kar
youn gaye aor meri sarkaar badal kar aye

No comments:

Post a Comment