Labels

Monday, 7 August 2017

jo mere dil main udasi ko bhar k janay laga

jo mere dil main udasi ko bhar k janay laga
wo paas reh k mujhe aor yaad anay laga

yakeen karo meri sansen ukhar gayin usi dum
wo mere paas se jab jab bhi uth k janay laga

main koi baat sitaron se karne wala nahi
yeh chand kis ki kahani mujhe sunanay laga

abi jamay bhi nahi ishq main hamaray qadam
to kiyun yeh sheher hamain daar per charhanay laga

wo dafn kar k mujhe khush hai aor sochta hai
bhala hua k koi dard to thikanay laga

ab us se kuch bhi to kehna mujhe nahi hai k wo
hansi hansi main meri baat bhi urranay laga

No comments:

Post a Comment