kis ko kis kis lamhay hona hota hai

kis ko kis kis lamhay hona hota hai
chahat main yeh aksar hona hota hai

tum ne mujh se milna kiukar chora hai
mujh ko tum se mil kar rona hota hai

tum kehtay ho ajao, main kiu aon?
tum ne bhi to rona dhona hota hai

loag bhi khul kar is se khela kartay hain
dil bhi jese aik khilona hota hai

dheeray dheeray sab taray so jatay hain
phir akhir main mujh ko sona hota hai

mere bistar per sona aasan nahi
us per dukh ka aik bichona hota hai

pyaar pe akhir bas apna kab chalta hai
hojata hai jab yeh hona hota hai

Post a Comment

0 Comments