kis ne hansti hui tasveer k Aansu punchay
kash koi meri taqdeer k ansu punchay
wo kuch aisay kisi tamheed se bahir nikla
aor us ne meri tehreer k ansu punchay
kon is aabla payi pe lagaye marham
kon pairon parri zanjeer k ansu punchay
neend k dard sabhi bantnay wala akhir
kis tarah khwab ki tabeer k ansu punchay
aik muddat se saza kaat raha hon ab to
koi aa kar meri taqseer k ansu punchay
sab fason toot gaye zain zaban k aakhir
ab koi lehja e taskheer k ansu punchay
0 Comments