Labels

Friday, 4 August 2017

kuch bhi ho saktay thy, taskheer nahi hona tha

kuch bhi ho saktay thy, taskheer nahi hona tha
hum ko youn dard ki tasveer nahi hona tha

wo to tum aye to thora sa yakeen pukhta hua
hum ne to qayel e taqdeer nahi hona tha

hosla haar k jeena bhi koi jeena hai
gir hi parna tha to tameer nahi hona tha

pagla! dekhtay rehna tha rawani ko faqat
aisay, darya se baghalgeer nahi hona tha

chahtay hum to tujhay rok hi letay lekin
youn tere paon ki zanjeer nahi hona tha

main jo ranjha na hua is pe gila kiu logo
us ne wese bhi meri heer nahi hona tha

jese us shakhs ki, ashkon se kahani likhi
zain youn us ne to tehreer nahi hona tha

No comments:

Post a Comment