rotay rotay muskurana chahiye
dard ko aisay nibhana chahiye
pa liya hadd se siva main ne usay
sochta hon ab ganwana chahiye
phir usay ana nahi hai loat kar
phir usay koi bahana chahiye
chahta bhi hai mujhe phir kiyun usay
har taaluq ghayebana chahiye
kiun mujhe us ki talab rehne lagi
wo jisay sara zamana chahiye
ishq hona dar haqeeqat jeet hai
is main sab kuch haar jana chahiye
kar liya tasleem main ne hijr ko
us ko lekin ana jana chahiye
wo puranay zakhm mujh ko raas thay
phir mujhe chehra purana chahiye
0 Comments