seene main aik dard piroti hain barishen

seene main aik dard piroti hain barishen
youn bhi udasiyon ko samoti hain barishen

hotay hi shaam abr thehertay hain ankh main
phir is k baad raat bhigoti hain barishen

janay ye kis k hijr main sadiyon se qaid hain
muddat se kis k dard main roti hain barishen

bheegay huye darakht barhayen udasiyan
karti bhi hain udaas bhi hoti hain barishen

kis ne kaha k tham gayi barsat aaj to
ankhon main raat bhar nahi soti hain barishen

Post a Comment

0 Comments