tera dukh dobara dekha jaye ga
jo bhi hoga yara dekha jaye ga
pehle ankhen darya dekha karti theen
ab ki baar kinara dekha jaye ga
sab se pehle main usko jhutaon ga
jo bhi tujh se pyara dekha jaye ga
do roohon ka ik ho jana laazim hai
tab hi manzar saara dekha jaye ga
meri ankhen ro ro kar yeh kehti hain
kon ab tujh se pyara dekha jaye ga
khushiyan aadhi aadhi dekhi jayen gi
dukh saray ka sara dekha jaye ga
pehle se ab in baton per kya larna
jo jeeta jo haara dekha jaye ga
main jb bhi sara toota to phir us din
mera paara paara dekha jaye ga
0 Comments