Labels

Thursday, 10 August 2017

wo aainon se jo be khabar hai haseen tar hai

wo aainon se jo be khabar hai haseen tar hai
wo jis pe thehri hui nazar hai haseen tar hai

jo dhoop orhay huye bhi saya to de rahi hai
wo shaakh kitni hi be samar hai, haseen tar hai

jo sar pe dast e karam hai unka to ranj kesa
phir umr jitni bhi mukhtasir hai, haseen tar hai

wo sheher unka kamaal se bhi kamaal hai per
wo un k dar ki jo rahguzar hai, haseen tar hai

fishaar e jan bhi qaraar e jan hi lagay hai ab to
jo mujh pe taari tera asar hai, haseen tar hai

jo haq pe bolay, zaban kholay, sakoot torray
mere liye to wo moatabar hai, haseen tar hai

yahan wahan hai, ishar udhar hai, kidhar kidhar hai
tera tassawur jidhar jidhar hai, haseen tar hai

No comments:

Post a Comment