Labels

Monday, 7 August 2017

wo mangta hai muhabbat ka ab sila mujh se

wo mangta hai muhabbat ka ab sila mujh se
usay raha hai sada hi koi gila mujh se

main aaj toot k roya kisi ki yadon per
bohot khafa hai mera aaj hosla mujh se

kuch is liye bhi mere zakhm ab nahi bhartay
k kat na jaye azziyat ka marhala mujh se

main toot jaon agar yaad tu na aye to
so toot'ta nahi yadon ka silsila mujh se

sada rahon main usi badgumaan k sadqay
k jis ko chahiye izhaar barmalaa mujh se

so khud hi maat koi dhoondnay laga hon main
k larr para hai kisi gham ka qafila mujh se

No comments:

Post a Comment