Talluq torna chaho Tum mujh ko chorna chaho

To meri shart hai itni

Tumhein jo de chuki hon Main

Mujhe lota do woh sab kuch

Mere woh keemti lamhein Jo tujh ko sochte guzray

Woh pal jo ik qayamat thay

Jo tumhara rasta dekhtay guzray

Khuda ko bhool kar woh din

Jo tujh ko poojtay guzray

Kaho lota sako ge tum

Hayaa ki chandni de di

Jiyaa ki ragni de di

Laboon ki chaashni de di

Hina ki roshni de di

Tujhay to zindagi de di

Har ik apni khushi de di

To phir woh zindagi meri

Han bolo har khushi meri

Kaho lota sako ge tum

Agar mumkin ho aisa to

TALLUQ TOR LENA TUM