Kaho lota sako ge tum

Taaluq torna chaho, Tum mujh ko chorna chaho,
To meri shartt itni hai, Tumhen jo de chukki hun main,
Mujhe lotaa do wo sub kuch,

Mere naghmay wo chahat k,
Wo sub tohfay mohabbat k,
Wo bheegi dairy meri, Wo sari shairi meri, Sabhi wo phool or patiyan,
Wo meethi piyar ki batain,

"Kaho lota sako ge tum"
Mere wo keemti lamhay,.
Jo tujh ko sochtay guzray,
Wo pal jo ek qayamat thay, Jo raasta dekhtay guzray,

Khuda ko bhool kar wo din, Jo tujh ko poojtay guzray,

"Kaho lota sako ge tum"

Haya ki chandni day di, Jiya ki ragni day di, Labon ki chashni day di, Hina ki roshni day di, Tujhe to zindagi day di, Har ek apni khushi day di,

To phir wo zindagi meri, Haan bolo har khushi meri,

"Kaho lota sako gay tum"

Agar mumkin ho aisa to, Taalluq tor lena tum, Bhalay phir chor dena tum,
"Bhalay phir chor dena tum"