Hasrat bhari nigahon ko Aaraam tak nahi,

Hasrat bhari nigahon ko Aaraam tak nahi,

Woh yon badal Gaya k ab salam tak nahi,



Jis ki talab mein zindagi apni Guzaar di,

us be_wafaa k lab pe mera naam tak nahi,



Jo keh Gaye they shaam ko bethenge Aaj phir,

kuch saal ho Gaye koi paighaam tak nahi,



madfoon hoon tere hijar ki ik aisi Qabar mein,

kutbay pe jis k Aaj koi naam tak nahi,



Be_ikhtiyaar uthtay hain mere Qadam udher,

haalanke us Gali mein mujhe kaam tak nahi...!