Wohi Darpaish Hai Phir Zindagi Khaabon Khayaalon Ki,

Wohi Darpaish Hai Phir Zindagi Khaabon Khayaalon Ki,

Kahan Hai Ab Tumhaari Wo Mohabbat Itnay Saalon Ki,



Agar Meray Muqad'dar Mein Andhera Hi Andhera Tha,

Kahani Q Sunaai Thi Mujhay Tum Ne Ujaalon Ki,



Barra Hai Farq Dono Mein Magar DilChasp Hain Dono,

Teri Dunya Jawabon Ki Meri Duniya Sawaalon Ki,



Tumhain Jab Se Me Likhta Hon Tumhain Jab Se Me Parhta Hon,

Zarurat Hi Nahi Parti Kitaabon Ki Hawaalon Ki,



Taalluq Jorna Or Torna Tum Se

Koi Seekhay,

Kahan Se Aa Gaye Tum Ko Mahaarat Aisi Chaalon Ki,



Shagufta Dil Ko Rakha Hai Faqat Is Waastay Mein Ne,

Zarurat Phir Na Par Jaye Tumhain Meri Misaalon Ki.