Be-chain yun kisi ki Mohabbat me ham Rahe,

Be-chain yun kisi ki
Mohabbat me ham
Rahe,
Jaise k lamha lamha
Qayamat me ham rahe.

Aanso kisi ki yad me
Behty chaly gaye,
Yani tamam raat ibadat
Me ham rahe.

Dekha usy tu rukh se
Nigahein na hatt sakein,
Kitni hi dair virta-e-heirat
Me ham rahe.

Ham sada dil thay is ko
Mohabbat samajh liya,
Halan keh bus faraib-e-
Mohabbat me ham rahe.

Poocha tha pyar se
Bus kisi ne koi sawal.
Phir saari umer is ki
Wazahat me ham rahe.