Ab K Youn Bhi Teri ZuLfon Ki Shikan Tooti Hay,

Ab K Youn Bhi Teri ZuLfon Ki Shikan Tooti Hay,

Rang Phootey Kahin Khushboo Ki Rasan Tooti Hay,



Maut Aai Hay K Taskeen Ki Saa't Aai,

Saans Tooti Hay K Sadiyon Ki Thakan Tooti Hay,



DiL Shikasta To Kai Baar Howay Thay Laikin,

Ab K Youn Hay K Her Aik Shaakh-e-Badan Tooti Hay,



Itni Be-Rabt Mohabbat Bhi Kahan Thi Apni,

Darmiyaan Say Kahin Zanjeer-e-Sukhan Tooti Hay,



SiLsiLa Tujh Say Bicharnay Ka Kahan Khatam Howa,

Aik Zamaaney Say Raah-o-Rasm-e-Kuhaan Tooti Hay,



Mere Yaaron K Tabassum Ki Kiran MaqtaL Main,

Nok-e-Neza Ki Tarha Zair-e-Kafan Tooti Hay,



Reza Reza Main Bikharta Gaya Her Suu MOHSIN,

Sheesha Sheesha Meri Sangeeni-e-Fun Tooti Hay.