Toota Talism-e-Waqt To Kiya Dekhta Hoon Main.

Toota Talism-e-Waqt To Kiya Dekhta Hoon Main.

Ab Tak Usi Jagah Py Akela Kharra Hoon Main.



Ye Kashmkash Alag Hai K Kis Kashmkash Mein Hon.

Aata Nahi Samajh Mein, Bahut Sochta Hoon Main



Mujh Sy Nahi, Ussay Mery Farda Sy Hai Umeed

Manzil Hai Koi Aur Faqat Raasta Hoon Main



Kiya Ye Jagah Hai Jis Ki Tamanna Mein Aaj Tak.

Din Raat Shehar Shehar Bhatakta Raha Hoon Main



Mashall Ba'dast GhOOmty Guzri Hai Ek Umer.

Ab Kis K Intazar Men Thehra Huwa Hoon Main.