Bewafai K Dukh Uthaanay Ko,

Bewafai K Dukh Uthaanay Ko,

Umar Guzaari Essi Bahaanay Ko,

Zulam K Teer Aazmaanay Ko,

Hum Hi Kiya Mil Gaye Zamaanay Ko,



Tum Zamaanay Ki Baat Kartay Ho?

Dekh Aaye Hain Hum Zamaanay Ko,

Gird Bhi Un Ki Hum To Paa Na Sakay,

Jaan Luta Di Thi Jin K Paanay Ko,



Aap Sab Aazma Chuke Hain YA,

Aur Kuch Reh Gaya Hai Dhaanay Ko,

Umar Bhar Jis Ka Intizaar Kiya,

Us Ne Likha Hai Bhool Jaanay Ko,



Be-Dili Se Jiye'n, Jiye'n To Sahi,

Ye Bhi Ek Rasm Hai Nibhaanay Ko,

Orrh Kar Hum Kafan Ko Lipat Gaye,

Tab Wo Aaye Hamein Manaanay Ko,



Ashk Hontoo'n Ko See Gaye Warna,

Hum Ne Chaha Tha Muskraanay Ko,

Us Ko Raste Nigal Gaye Shaayad,

Keh Gaya Tha Laut Aane Ko,



ZAIB Hum Ko To Nafratein Hi Milen,

Hum Ne Chaha Tha Chaahy Jaanay Ko ..