Chahat Ko Hum Ne Uski Nishani Samajh Liya
Wo To Saraab Tha Jisay Pani Samajh Liya
Us Ne Kaha K Saara Jahaan Hai Mera Wujood
Aur Hum Ne Is Jahaan Ko Faani Samajh Liya
Guzri Jo Dil Pe Wo Bhi Qayaamat Thi Baa Khuda
Aur Tum Ne Is Ko Aik Kahani Samajh Liya
Khushbu Ko Hum Ne Jaar Mein Qaidi Bana Liya
Saanpon Ne Us Ko Raat Ki Rani Samajh Liya
Saamaan Maut Ka Bhi Wo Laye Hai Apne Saath
Phoolon Ne Jis Ko Apni Jawani Samajh Liya
Us Ka Mijaaz Jheel Ki Soorat Parra Raha
Dariya Ki Jis Ko Hum Ne Rawani Samajh Liya
Us Ne Abhi Abhi Kaha To Kaha Tha Hamein Batool
Aur Hum Ne Us Ko Yaad Purani Samajh Liya.
0 Comments