Meri zaat mujh se juda na kar mujhe mil kabhi
yon khud ko mujh se khafa na kar mujhe mil kabhi
ye jo shaam hai yeh saji hai tere khayal se
so ye waqat yonhi qaza na kar mujhe mil kabhi
kahin tujh se door main reh sakon kaheen bas sakon
mere haq main aisi dua na kar mujhe mil kabhi
ye jo sheher hai ye tamash beenon ka sheher hai
yahan har kisi se mila na kar mujhe mil kabhi
mere sohneya meri chahton ka hisaab rakh
mera har kisi se gila na kar mujhe mil kabhi
0 Comments